الحكماء الصغار

السمكة الكبيرة
قالت لسمكة … قد كدة
تعالي نلعب .. نجري
هنا وهنا
قالتْ .. إنت الكبيرة
كوني رزينة مش كدة

راحت تعيسة مكدرة
وبحزن مالي قلبها
قالت ودمعة في عينها
فسدوا حياتنا بجدهم
خلوني أنسي بوم ما جدي قالنا
نجري ونلعب محدش زينا
دي السعادة شيئ ضروري في بحرنا


لا .. لا

السمك .. ملايين بتعوم
بتقاوم التيار
دا حب العناد
ليه اتجمعوا على حاجة بالشكل ده؟
دايما كدة؟
إحنا اطّبعنا وهم بيها
من زمان
دي في دمنا
ومليا قلبنا
حب العناد
دايما على لساني لا
وهي نعم
بل واكتر من نعم
لكن دا ليه
دا طبعنا
أمي اللي قالت من زمان
ابقى كدة

عزت هلال
حديقة الحرية - القاهرة
الأربعاء 3 / 5/ 1967